2016 December

විශේෂාංග කවි පිටුව කතා පිටුව දේශපාලන රේඩියෝව පෙර කලාප

ඇමරිකාවේ ජීවත් වන ශ්‍රී ලාංකිකයන්ගේ සහ ශ්‍රී ලංකාවේ අළුත්ම තොරතුරු රැගත් මාසික වෙබ් ප්‍රකාශනයයි..  ශ්‍රී ලංකා-විත්ති.
සෑම පැය 24 කටම වරක් අළුත්ම අළුත් ලොව වටා ප්‍රවෘත්ති.
ඔන්න ඇමරිකාවෙ ජනපතිවරණය නම් ඉවරයි. ඇමරිකන්කාරයාටත් වඩා ඒ ගැන උනන්දු වුනේ වෙනත් රටවල්. විශේෂයෙන් අර "ඊළම්" කියන මනඃකල්පිත රටේ ජීවත් වෙන වැසියන්.
මීට කලින් හිලරි ක්ලින්ටන් නෝනා LTTE එකෙන් මුදල් ලබා ගත්තා කියන ප්‍රසිද්ධ රහස තව දුරටත් එයින් තහවුරු වෙනව.. තව කියවන්න දේශපාලන පිටුව බලන්න
හිලරි නෝනා සහ පොල් අතර ඇති සම්බන්ධය කුමක්ද? පොල් ගැසීම දෙවියන්ට කරන කන්නලව්වක් නම් උන් අදහ දෙවියන් සහ හිලරි අදහන දෙවියන් එක් කෙනෙක් විය යුතු බව මේ අමනයන් දත යුතුය. 
පොල් කියන්නේ කොච්චර වටිනා දෙයක්ද ? පොල් ගසට කියන්නේ කප් රුක කියල. එහි අහක දාන්න දෙයක් නැහැ. පොල් ගැන වැඩියෙන් කියවන්න--> විශේෂාංග පිටුව බලන්න.
****************************************
TRUMP කියන්නේ තුරුම්පු වලට බව කාඩ් කුට්ටමෙන් ඕබි කපන අය දන්නවා. තුරුම්පු වැඩියෙන් තිබුනොත් අත දිනුම්. තුරුම්පු කිව්වට මේ ඔය "හොටු"  තුරුම්පු වැඩක් නැහැ. තුරුම්පු ආසියා තමා බලවත්.
දේශපාලනයත් කාඩ් සෙල්ලම් කරනවා වගේ තමයි. විවිධ රටවල් ජනතාව රැවටීමට , ජනතාව පෙළඹවීමට විවිධ තුරුම්පු යොදා ගන්නවා. ලංකාව වගේ රටවලට බඩු මිළ , සහනාධාර , ජාතිවාදය හොඳ තුරුම්පු.
ඇමරිකාවෙ නව ජනාධිපති ඩොනල්ඩ් ට්‍රම්ප් යොදා ගත්තෙත් මේ ජාතිවාදි තුරුම්පුවයි..  වැඩි දුර කියවන්න --->  ඇතුලේ පිටු කියවන්න

************************************ 
ප්‍රවීණ රංගන ශිල්පී විමල් කුමාර ද කොස්තා   කළුබෝවිල රෝහලේ ප්‍රතිකාර ලබමින් සිටියදී අභාවප්‍රාප්ත විය. 
බඹරු ඇවිත්, එයා දැන් ලොකු ළමයෙක්, සරුංගලේ, එක්ටැම් ගේ, අහස් ගව්ව, සාගරිකා, මරුවා සමග වාසේ, ජීවිතයෙන් ජීවිතයක්, සතර දිගන්තය, උමයංගනා වැනි සිනමාපට ගණනාවක ඔහු විශිෂ්ට රංගනයක් දැක්වීය. කැලණිය ගුරුකුල විද්‍යාලයේ ආදි සිසුවෙක් වන කොස්තා හංස දඩයම, ගිගිරි වළලු, විසුල අහස යට, ආටක නාටක වැනි ටෙලි නාට්‍ය රැසකට ද සිය රංගන දායකත්වය ලබාදී ඇත. 
ඒ.ජේ.සෙල්වදොරේගේ ‘ගොඩෝ එනකං‘ වේදිකා නාට්‍යයෙන් සිය රංගන ජීවිතයට අත්පොත් තැබූ විමල් කුමාර ද කොස්තා පසුව හිතහොඳ අම්මණ්ඩි, නැට්ටුක්කාරී, කොරා සහ අන්ධයා, මළකෝළං, දුන්න දුනුගමුවේ වැනි වේදිකා නාට්‍ය රැසකට රංගනයෙන් දායක විය. 


ශ්‍රී ලංකාවට කැසට් සංගීතය හඳුන්වා දුන් විජය රාමනායක මිය යයි. ඔහු මිය යන විට 71 වැනි වියේ පසු විය.
සිංහළ චිත්‍රපටියක නාමාවලිය තිරයේ දිස් වන විට නෙත ගැටෙන මර්වින් බෙන්ස් ඔබට මතකද ? ප්‍රවීන ශබ්ද පරිපාලකවරයෙකු වූ ඔහුත් මිය ගිහින්.
ඔබලා සැම දෙනම නැවත අප අතර ඉපදේවා ! ඒ ශ්‍රී ලංකා-විත්ති කියවන සැමගේ ප්‍රාර්තනයයි.
***********************************
සබ්බේ සත්තා උම්මත්තකා
ලෝකයේ සියළුම දෙනා යම් කිසි මානසික රෝගයකින් පෙළෙයි.
~බුදුන් වහන්සේ~

මේ තමා රහත් වී ඇතැයි තමාම කියාගන්නා පිටිදූවේ සිරිධම්ම නොහොත් සමන්තභද්‍ර නම් චීවරධාරියාගේ ප්‍රතිමාව.

මේ ඔහුගේ දේශනා විලාශයක්.
 
මොහුගේ දේශනා හර-බරය. තාර්කිකය. එහෙත් බෞද්ධ භික්ෂුවක් තුළ තිබිය යුතු යයි සැළකෙන කෝටියක් සංවර ශීලයෙන් එකක් හෝ තිබුණා නම්...
බුදුනි , මිනිසාට ප්‍රඥාව ලබා දෙන්න.
*********************************
ශ්‍රී ලංකාවෙ දේශපාලනේ..
  ********************************************
Up Coming Events in Los Angeles
බඩ අල්ල ගෙන හිනා වෙන්න පුළුවන් තවත් විනෝදාත්මක චිත්‍රපටියක් ලොස් ඇන්ජලිස් හිදී 2016 දෙසැ.04 වන දින.
***********************************
නොයෙක් රටවල දේශපාලකයන් , දේශපාලනයට පිවිසුනේ දේශපාලන විද්‍යාව, නීතිය හදාරා උගතෙකු වීමෙන් පසුව , තවත් සමහරු මුදල් බලයෙන්,තවත් සමහරු වෙනත් ක්‍රමයකට ජනප්‍රිය වීමෙන් , තවත් සමහරු පරම්පරා උරුමයෙන්...
උදාහරණ වශයෙන් ද්‍රවිඩයන්ගේ නිජබිම වන තමිල්නාඩුවේ මහ ඇමති M.G.R., ඇමරිකාවේ Arnold Schwarzenegger ... ඇමරිකාවේ ජනාධිපතිවරයෙකු වූ රොනල් රේගන් චිත්‍රපටි නළුවන්. අපේ මහින්ද රාජපක්ෂත් රූපවාහිනී සහ චිත්‍රපට නළුවෙක්. ඒ විතරක්යැ ඇමරිකාවෙ නව ජනාධිපති ඩොනල්ඩ් ට්‍රම්ප් මහත්තයත් 1990 තිරගත වූ හොලිවුඩ් චිත්‍රපටයක් වන Ghost can't do it  හි උප ප්‍රධාන චරිතයක් රඟපාල තියෙනව, Bo Derek කියන නිළියත් සමඟ.මේ චිත්‍රපටියේ සම නිෂ්පාදකයා වුනේ ශ්‍රී ලංකාවෙ චන්ද්‍රන් රත්නම්.. කාටද ආඩම්බර. එහෙත් පැරණි මිත්‍රකම් අපේ නරකට හිටීද කාටද කියන්න පුළුවන් ?
   
 ***************************************
මොකද හොර ඡන්ද දාලද? විරුද්ධ පාක්ෂිකයන්ට ගහලද ? වේදිකා ගිනි තියලද? මැතිවරණ නීති උල්ලංඝණය කරලද ? නැහැ. මෙය සර්ව සාධාරණ මහත්මා ජනපතිවරණයක්. ඇමරිකාවේ ඡන්දදායකයන්ගෙන් වැඩි පිරිසක් ට්‍රම්ප්ටයි කැමැත්ත ප්‍රකාශ කරල තියෙන්න. ඒත් ඒ මහජන මතය වැරදියි කියල මොළේ නරක් වෙච්චි ගැටව්/ගැටිස්සියො රට පුරා පෙළපාලි යනව.
තවත් කාටූන් ඇතුලේ පිටුවල..

A letter to Donald Trump..
බටහිර දිශාවෙන් ශාන්තිකර සයුරෙන්ද ,  නැගෙනහිර දිශාවෙන් අත්ලාන්තික් සයුරෙන්ද , දකුණු දිශාවෙන් මෙක්සිකෝව නම් රාජ්‍යයෙන්ද උතුරු දිශාවෙන් අනාගත ද්‍රවිඩස්තානය හෙවත් කැනඩාවෙන්ද වට වී ඇති , සියළු සැප සම්පතින් ආඪ්‍ය වූ ඇමරිකා එක්සත් ජනපදයේ අභිනව ජනාධිපති ධූරන්දර ඩොනල්ඩ්  ට්‍රම්ප් මැතිඳානන් වෙත ඉමහත් භක්ත්‍යාදර පූර්වකව ලියා දන්වන වග නම්....-> දේශපාලන පිටුව බලන්න
*****************************************

රටක්... ලෝකයක් වෙනස් කළ හැකි හිල්..අද කියවමු හිල් ගැන

*****************************
 TALENTED SRI LANKANS LIVING IN LOS ANGELES
 

සයුරි සේනාධීර


සයුරි  මීට කලිනුත් අප හඳුන්වා දී තිබෙනවා. ඇය හිම මත ලිස්සා යමින් කරන රැඟුමට හපනියක්. 
භාරත නැටුම් ඈ ප්‍රගුණ කළේ නාලිනී නඩරාජන් මහත්මිය යටතේ. එහි දොරට වැඩුම - අරන් ගේත්‍රම්-නොවැම්බර් 19 වන සෙනසුරාදා උත්කර්ෂවත් ලෙස පැවැත්වුනා. සයුරි , අප සමාජයට ඉමහත් සේවයක් කරන එමෙන්ම දක්ෂ ගායකයෙකු , නළුවෙකුද වන ශාන්ත සේනාධීරගේ සහ දිනිතිගේ දියණියයි.
ශ්‍රී ලාංකිකයන් ලෙස අප සැම සයුරිට සුබ අනාගතයක් ප්‍රාර්තනය කරමු.
**********************************
මංගල දැන්වීම්
කැලිෆෝනියාවේ-නොර්ත්හිල්ස් හි  පදිංචි සත්කුමාර යුවලගේ දයාබර දියණිය දුලාංජලී  සත්කුමාර මෙනවිය චාමින්ද  ආරියරත්න මහතා සමග අතිනත් ගැනීමේ මංගල උත්සවය  මහනුවර  ''අර්ල්ස් රීජන්සි'' හෝටලයේදී උත්සවාකාරයෙන් පැවත්විනි.~නව යුවළට අපගේ සුබ පැතුම්~

 ශ්‍රී ලංකා-විත්ති
 Currency Converter

පිටරටවල ජීවත්වන ඔබට වඩා අඩු වරප්‍රසාද ලැබෙන ඔබේ නෑදෑයින්ට කීයක් හරි යවන්න.  කෙනෙකුට ඩොලර් 20 ක් / පවුම් 10 ක් මහමෙරක් වනු ඇත. ජීවිතය ඉතා කෙටියි. නන්නාඳුනන කෙනෙකුට හෝ උදව්වක් කර මේ කෙටි ජීවිත කාලයේ සුළු මොහොතක  සැනසුමක් ලබන්න.
 *********************************
කතා කරන පින්තූර
"එදා හෙළයේ නම්බුවට රැඳි තිබුණු පිරිමිකම
  මෙදා මෙලෙසේ බල්ලට ගියදෝ  පිරිමිකම
  ලබා දිලෙනා නළු ඉහල තරු පිරි   පිරිමිකම
    විනේ කරලා  මුලු සංහතියටම       පිරිමිකම"

(දෝන දමයන්ති)
වල පල්ලට යන පිරිමිකම..
මුන් පිරිමිද ?
 

***********************************
On a dark desert highway, cool wind in my hair
Warm smell of colitas, rising up through the air….
සංගීතය විශ්ව භාෂාවක්.. භාෂා විශාල ප්‍රමාණයකින් ගැයෙන Hotel California  ගීයට රඟ දෙන ඉන්දියන් කතුන්..

Don Henley සහ Glenn Frey දෙදෙනා විසින් 1976 දී ලියන ලද මෙම ගීය සංගීතවත් කළේ Don Felderය.මේ සඳහා  Latin, Reggae නාද රටා උපයෝගී කර ගෙන ඇත. මෙම ගීය අඩංගු තැටියට 1978 දී Grammy සම්මානයද හිමිවිය.

            ***************************** 
අමරණීය අමරදේව
සුනිල් ශාන්තලා, CT ලා, බෙග්ලා, වල්පොලලා, මිලටන්ලා ,ජෝතිලා තවත් බිහි නොවේ. අමරදේවද ඒ ගොන්නට එකතු වී ඇත. ලොකු හිස් ගතියක් දැනේ. ලොකු අඩුවක් දැනේ.
ශරීර ප්‍රමාණයෙන් ඔබ කොතරම් කුඩා මිනිසෙක්ද ? එහෙත්  රටේ පාලකයාගේ කර මතින් අවසන් ගමන් යන්නට තරම් ඔබ වාසනාවන්ත විය. රාජ රාජ මහාමාත්‍යාදීන් දවන නිදහස් චතුරශ්‍රයෙන්  අවසන් ගමන් යන්නට තරම්
ඔබ වාසනාවන්තයෙකු විය.
සසර වසන තුරු - නිවන් දකින තුරු මේ පින් බිමේම යළි යළිත් ඉපදේවා.
තම හිතට නැගුනු සංවේගය පහන් කර ගැනීමට කෙනෙක් ඇඳ තිබුණු සිතුවමක්.   
********************************
ඔබ සැමට සුබ නත්තල් සමයක් වේවා.
නත්තලට ඔබේ දරුවාට/ මිතුරාට ප්‍රයෝජනවත් දෙයක් දෙන්න. 
www.isound.com
ශ්‍රී ලංකා-විත්ති පටන් ගෙන වසර 3 කට කිට්ටුයි. ඔබ යම් රසයක්/දැනුමක්/පලයක් ලැබුවාද? විස්තර දන්වන්න.
e-mail කරන්න. nihal90723@gmail.com
Fax කරන්න.310-222-5578

Flag Counter